Seyyid Fariq - Men gunahkaram

Mən ki günahlar dənizində boğuluram haçandır ,
Ömrüm günüm başdan başa yaşadığım yalandır.
Bülbüləm günahımdan sıxılmışam mən bir qəfəsə,
Ey ilahi tut əlimdən yalvarıram amandır.

Bəlkə dağlar görsə bu əhvalımı söylərdi ey dad,
Dil açardı eyliyərdi sübhəcən halima fəryad.
Mən ki peşman olmuşam tənha qalan nadan qəribəm,
Hey günahlardan yorulmuş bəndənəm sən eyle imdad.

Mən günahkarəm mən günahkarəm Etdiyim işlərdən ey yar çox pərişanəm,
Mən peşimanəm mən peşimanəm əfv elə mən bi kəsi səndən sava yoxdu ki çarəm

Çox yoruldum bu həyatın min əzablı yollarından,
Qəlbim oldu bir yaralı ahu tək tənha pərişan.
Neyliyim ki səndən özgə bir pənahın yoxdu ya rəbb ,
Çox utandım öz özümdən olmuşam sənsiz peşiman.